ASEMBLEA XERAL ORDINARIA DA ANPA BALUARTE 

CHAMAMENTO URXENTE E CARIÑOSO

DATA: XOVES, 14 de Novembro

HORA: 18,OO p.m.

LUGAR: Salón de Actos

A todas as nais e pais do noso centro:

Os que formamos o equipo directivo da vosa ANPA desexamos contar coa vosa presenza e participación activa na Asemblea Xeral Ordinaria de mañá, xoves, 14 de novembro.

Como xa vos comunicamos en reiteradas ocasións, necesitamos a participación e a implicación de todos para poder facer cousas xuntos que melloren o proceso de formación das nosas fillas e fillos.

Aproveitaremos esta primeira reunión oficial do curso para presentar en sociedade, unha vez máis, unha ferramenta estupenda para mellorar o proceso de aprendizaxe - a axenda escolar NAVEGANTES. 

Nunha charla breve e amena dous dos seus creadores nos explicarán a todos a mellor forma de sacarlle o rendemento que as nosas fillas e fillos merecen.

Non dubides en vir e tráete a algunha nai e pai debaixo do teu brazo. 

A túa ANPA necesita contar con novos colaboradores para poder arrancar os novos proxectos.  Se non contamos con máns suficientes, vai costar moito máis levar adiante calquer iniciativa (escola de pais, programa de doazón solidaria de libros de texto, etc).

Tedes a continuación a convocatoria oficial da Asemblea que vos remitimos o pasado luns.

Vémonos!

MÚSICA e PALABRAS CONTRA A LEI WERT (LOMCE)

As distintas comunidades educativas de Ferrolterra están convocadas a manifestar de novo o seu rexeitamento á nova lei educativa.

Mañá, mércores 13 de novembro a música e as palabras dirán NON a unha lei educativa que naceu morta.

Pasade a cantar e escoitar a unha pléyade de artistas no IES CONCEPCIÓN ARENAL (o Masculino de toda a vida).

O mestre e escritor do noso IES, Antón Cortizas, fará un exame seguindo as demandas da LOMCE; será un estupendo ensaio para as reválidas que nos acechan.

HORA: 19,00 p. m.

PASADE POR ALÍ!!!!

XORNADA DE FOLGA E MANIFESTACIÓN CONTRA A LOMCE

24 de Outubro

Nunha  desapacible e chuviosa mañá  como a de hoxe, a ANPA Balauarte participou nunha nova e multitudinaria manifestación en defensa do ensino público e contra a LOMCE (Lei Wert).

Nos vos queremos dar a paliza ao respecto. Simplemente queremos agradecer a masiva resposta á chamada á folga do alumnado no noso propio instituto e  agradecemos a todas as nais e pais o voso compromiso responsable en defensa do ensino público.

Contamos con todas e todas na defensa dun mellor presente e un esperanzador futuro.

Imaxes. avb

Solidarizámonos cos traballadores/as de Navantia cos que pisamos fai un par de horas as rúas de Ferrol defendendo o presente e o futuro de Ferrol, o de todas e todos.

NON Á LOMCE: POR UN ENSINO PÚBLICO DE CALIDADE.

NORMATIVA REGULADORA DO DEREITO DE REUNIÓN E DAS DECISIÓNS COLECTIVAS DE NON ASISTENCIA A CLASE NO NOSO IES:

(Aprobadas no consello escolar do 14 de marzo de 2013)

Para que estedes informadas/os sobre as normas vixentes.

MANIFESTO ANTI-LOMCE da PLATAFORMA GALEGA EN DEFENSA DO ENSINO PÚBLICO

Compartimos o seu contido como membros da mesma.

Apoia a folga do 24-O anti LOMCE.

Participa na mani de Ferrol ás 11.30 diante do edificio administrativo da Xunta.

As traballadoras e traballadores do naval ferrolano estarán nas rúas en defensa do presente e futuro de todas e todos.

ACODE!

COMUNICADO DA FEDERACIÓN DE ANPAS DE FERROLTERRA

ASUNTO: CONVOCATORIA Á FOLGA DO 24 OUTUBRO ANTI LOMCE

A ANPA BALUARTE EN DEFENSA DO ENSINO PÚBLICO: NON Á LOMCE.

CHARLAS DE INICIO DE CURSO

Onte remataron as charlas coas titoras e titores dos distintos grupos no noso IES. A ANPA Baluarte fixo acto de presenza nas distintas sesións para darse unha vez máis a coñecer e facer un chamamento convencido e afectuoso a todas as familias ás que representa para que se unan a este proxecto ilusionante co único obxectivo en mente de aportar todo o que esté nas nosas máns para mellorar o presente e o futuro das nosas fillas e fillos.

Como vos contamos nesas sesións non é necesario ter moito tempo libre (nós tampouco o temos); simplemente é cuestión de optar por dedicar unhas poucas enerxías das moitas que tedes a traballar por un ensino público de calidade.

Podedes vir acompañados/as. Necesitamos máis máns para poder estar á altura do que merecen as nosas fillas e fillos e as súas familias.

Esperámosvos os xoves a partir das 18,00 p.m. no voso local á entrada do instituto. Entra sen chamar.

ANPA BALUARTE

SAÚDA DA ANPA BALUARTE

Curso 2013 / 2014

Agardamos teñas xa nas túas máns o presente saúda da directiva da ANPA BALUARTE que enviamos ás familias na mañá deste luns como primeira toma de contacto oficial neste novo curso.

A chamada á participación que facemos é unha petición feita de maneira responsable e razoada, entendendo a necesidade da implicación de todas e todos na mellora do ensino público en tempos de recortes, dúbidas e incertezas.

Como ben se expresa neste saúda, sen as túas máns e  a túa forza pouco imos poder facer na mellora da formación das nosas fillas e fillos.

Este é o reto que vos lanzamos con afecto: facer un grupo de traballo forte e con ideas. Tan só necesitamos un pouco do teu tempo (nós non é que andemos moi sobrados do mesmo).  

Estamos desexosos de coñecervos e de compartir proxectos comúns.

Pásate polo teu local os xoves entre as 18 e as 20 p.m.

Vémonos!

PRÉSTAMO DE LIBROS

Actualidade:

A día de hoxe aínda contamos con algúns libros de texto da maioría dos cursos.

Acércate ao noso local.

MANIFESTACIÓN ANTI LOMCE

Convocámosvos a que acudades este vindeiro sábado 28 de setembro á 

marcha pedestre en Santiago de Compostela en contra da LOMCE (Lei 

Wert) e contra o proceso de desmantelamento progresivo do ensino 

público (recortes en becas, comedores, profesorado e libros de texto).

Axuntamos un enlace a un interesante video feito polos compañeiras/os 

da Fed. ANPAS da Costa da Morte que deixa ben claro os motivos para 

estar presentes.

MARCHA ANTI LOMCE (28 de setembro)

Libros de texto do ANPA "Baluarte IES CANIDO.......

 

!!! COMUNICADO..!!!!!

 

 

 

Dende o ANPA "Baluarte"do IES CANIDO, queremos comunicar a todas as nais e país que temos libros de música de 2º ESO para o alumnado que non vai á sección  bilingüe.
Estaremos toda a maña de o xoves e venres  no voso local.

 

Asi mesmo, o alumnado que teña o libro de Ciencias Naturais de 1º da ESO e que non lle faga falta pode doalos  á ANPA dado que están descatalogados e necesitámolos para os demáis nenos do Centro.

 

"TEMOS MOITOS LIBROS DE 3º DA ESO PARA DOAR..........."

 

Para calqueraa dúbida poñerse en contacto co ANPA a traces do correo anpacanido@gmail.com ou através do Centro IES CANIDO

 

 

¡¡¡....MOITAS GRAZAS...!!!!!!!

DOAZÓN DE LIBROS 2013 / 2014

¡ÉXITO DA CAMPAÑA DE DOAZÓN DE  LIBROS DE TEXTO!

A ANPA BALUARTE quere agradecer unha vez máis a todas as nais e pais a súa participación e doazón solidaria de libros de texto.

Extendemos este agradecemento a todas  e todos os que dalgunha maneira o estades facendo posible.

Estaremos no local ata este venres 5 de xullo entre as 11 e 13 h.

DOAZÓN DE LIBROS 2013 / 2014

¡ÉXITO DA CAMPAÑA DE DOAZÓN DE  LIBROS DE TEXTO!

A ANPA BALUARTE quere agradecer unha vez máis a todas as nais e pais a súa participación e doazón solidaria de libros de texto.

Extendemos este agradecemento a todas  e todos os que dalgunha maneira o estades facendo posible.

Estaremos no local ata este venres 5 de xullo entre as 11 e 13 h.

SAÚDA DA ANPA BALUARTE NO FIN DE CURSO

PARTICIPA DA TÚA ANPA!

CHAMAMENTO ÁS NAIS E PAIS

"DOAZÓN DE LIBROS 2013"

Queridas nais e pais:

Necesitamos contar coas vosas mans este próximo xoves, 27 de xuño  para recoller e clasificar todos os libros que se recollan para o programa de doazón de libros de texto.

Faremos quendas de mañá e tarde.

LUGAR: LOCAL DA ANPA (Entrada do IES).

HORARIO DE MAÑÁ:

A partir das 10.30

HORARIO DE TARDE:

A partir das 16.30 p.m.

CHARLA DE ANTÓN CORTIZAS:

"Xogos Tradicionais en Canido"

Os amigos da asociación "Muíño do Vento" do noso barrio convídannos á escoitar as palabras ben ditas de Antón Cortizas, profe do noso insti, , poeta, cuentista, maestro, amigo e moitas cousas máis o vindeiro mércores, 19 de xuño no local da SGHN na Praza de Canido.

Lembraremos con enorme ledicia os tempos nos que a mocidade tiña nas rúas o seu lugar de xogo, allea á ameaza tecnolóxica que estaba por chegar.

PRESENTACIÓN DO LIBRO "TASTARABÁS", Abril 2013 no noso IES

Imaxe: avb

A NOSA CAMPAÑA DE DOAZÓN DE LIBROS DE TEXTO EN RADIO VOZ

Xa ata nos chaman os xigantes da prensa galega. Quere isto decir que entre todos estamos a traballar na boa liña.

No programa de onte de Voces de Galicia, Isidoro Valerio entrevistou a Begoña García, membro da nosa ANPA para coñecer en detalle o noso proxecto exitoso de doazón solidaria de libros.

Podedes escoitar dita entrevista  no seguinte enlace:

A ANPA BALUARTE EN RADIO VOZ: CAMPAÑA DOAZÓN LIBROS TEXTO 2013-2014

Aproveitamos esta saída ás ondas galegas para animarvos a colaborar e participar da campaña de todos.

DOA OS TEUS LIBROS!

PÁSATE POLO LOCAL: COLABORA

MERCADILLO DE LIBROS DE TEXTO

Nestes tempos de zozobra social e económica xurden iniciativas de todo tipo destinadas a paliar as embestidas que todos, dunha u outra maneira, estamos a sufrir.

A empresa KPUS lanza un mercadillo compra-venta de libros de texto en Ferrol , Coruña e Santiago.

Dende esta ANPA seguimos traballando na nosa iniciativa solidaria de doazón de libros de texto. 

Agardamos unha vez máis a vosa participación masiva no noso proxecto, avalado este curso por un aforro aproximado duns 24,000 euros.

Tedes toda a información neste blogue, no local da ANPA e no noso instituto.

AXUDAS PARA A ADQUISICIÓN LIBROS TEXTO 2013/2014

Axuntamos enlace ao DOG da convocatoria:

Axuda de Libros (DOG)

avb

A NOSA CAMPAÑA DE DOAZÓN DE LIBROS NO DIARIO DE FERROL

Contamos contigo para o éxito do programa deste ano.

Pásate polo local da ANPA: Colabora. 

imaxe: avb

 PRESENTACIÓN DOAZÓN LIBROS

2013 - 2014

O pasado xoves, 6 de xuño a ANPA Baluarte presentou no salón de actos do IES Canido unha nova edición do seu  programa de doazón de  libros de texto.

Imaxe: avb

Coñecedores de que non somos as nais e pais quen de ter que paliar as deficiencias que outros provocan, agardamos dito programa chegue ao maior número de familias posible nestes tempos de zozobra.

avb

Agardamos a colaboración e participación dos pais e nais do noso instituto para poder conseguir co compromiso de todas e todos o éxito que perseguimos.

Non tes máis que acerarte ao local da ANPA de todos nos horarios que tes na folla explicativa.

avb

CAMPAÑA DOAZÓN LIBROS 2013

COMPROMISO DE PARTICIPACIÓN:

Entrega ao titor ata o xoves, 19 de xuño

CAMPAÑA DOAZÓN LIBROS 2013

ANPA BALUARTE

Documentación completa do programa 2013 / 2014.

NOTA EXPLICATIVA :

PROTOCOLO A SEGUIR:

IES Canido Despedida 2 BAC 2013

DIA DAS LETRAS GALEGAS 2013

Encantaríanos que non houbese que adicar un día ao ano á nosa lingua, ás nosas letras, aos nosos autores ...

Encantaríanos que non se usase a lingua galega, que ten verbas tan insuperables como "volvoreta", como arma arroxadiza .....

Encantaríanos que existiran escolas na nosa terra onde toda a etapa académica se impartise en galego ...

imaxes: avb

Encantaríanos que disfrutarades deste artigo:

7.000

Ao parecer no mundo hai 7.000 linguas. E a metade están en transo de desaparición. Aflixe imaxinar esa xigantesca masacre silenciosa. Unha lingua é algo extraordinario, é un dos maiores logros da mente humana. Un logro colectivo. Asombra todo ese enxeño, esa creatividade, ese esforzo investido por unha comunidade durante milenios non só para crear unha ferramenta de comunicación eficaz, senón tamén para dar forma aos seus soños e aos seus medos, ao seu xeito de ver o mundo. Un xeito único, porque cada lingua é unha tradución da realidade. E todo iso, todo, xunto coas memorias dos antepasados, os contos que as nais contaban aos seus nenos, as cancións e os rezos, desaparece calladamente para sempre cando morre unha lingua, e ao pouco é coma se ese pobo nunca existise.

Sempre me conmoveu esa preciosa historia de Humboldt, o gran naturalista alemán, que na súa viaxe de exploración por Centroamérica entre 1799 e 1804 atopouse con que unha das tribos que quería visitar, a dos atures, fora exterminada polos caribes, e que só quedaba un pobre loro vello e tiñoso que farfullaba unha cantilena que ninguén entendía, que era a lingua atur. Humboldt, sabedor do valor do perdido, investiu infinidade de horas intentando transcribir ao papagayo e rescatou corenta palabras, é dicir, corenta sons seguramente deformados polo animal e que ninguén sabía o que significaban. Pero polo menos grazas a ese paxaro, e sen dúbida a Humboldt, hoxe estamos sequera mencionando aos atures. Déixame que che diga que hai casos peores, como o deses dous anciáns do Estado de Tabasco, no sureste de México, que son os dous últimos coñecedores da lingua zoque que hai no mundo. O malo é que están enfadados e non se falan. Somos máis idiotas que os loros.

ROSA MONTERO,EL PAÍS, 29 DE ABRIL DE 2008
(Tradcucción: APERTIUM (Traductor Univ. Vigo).

Fotaza: Guille A. Pando (flickr) GRAZAS!

CHAMAMENTO Á FOLGA DO 9 MAIO:

NON Á LOMCE!

Aquí tedes o comunicado oficial desta ANPA na que  vos informamos oficialmente da nosa adhesión á folga de mañá, xoves 9 de maio, contra a Lei LOMCE (Lei Wert).

Tedes tamén a exposición de moitos dos motivos que nos levan a reprobar esta lei educativa, aínda que poderíamos engadir moitos, moitos máis.

FIRMA PARA A RETIRADA DA LEI WERT: (pincha no enlace)

RECOLLIDA FIRMAS ANTI LEI WERT

PARTICIPA DAS CONCENTRACIÓNS!

NON AO DESMANTELAMENTO DO ENSINO PÚBLICO!