ANPA IES CANIDO

anpacanido@gmail.com

INFORMACION CAMPAÑA DE DOAZON DE LIBROS DE TEXTO PARA O CURSO 2012-2013

Dende a ANPA de IES Canido temos a intención de botar adiante unha campaña de doazón de libros de texto para o vindeiro curso 2012-13. Como ben sabedes, o curso actual foi o derradeiro no que estivo vixente o programa de préstamo de libros de texto, e só en alguns cursos (2º e 4º da ESO). O vindeiro curso as familias teremos que mercar o lote completo de libros e a pesares de que se manteñen as axudas que concede a Xunta para a adquisición de libros de texto, éstas non chegan a tódalas familias ou son insuficientes,tampouco chegan a Bacharelato por non ser educación obrigatoria .Ademáis eses cartos saen do noso peto.

 Facendo unha reflexión sobre todo isto coidamos que é ilóxico e non sostible mercar  todos os libros curso tras curso cando sabemos que o remate do mesmo quedan libros de texto en bo uso, por non falar da falta de medios tecnolóxicos ,que nos leva a que a educación se aparte do mundo real. Non podemos quedar anclados na pasividade e no consumismo, cunha educación influenciada polas grandes corporacións con obxectivos únicamente mercantilistas e económicos.

Por iso dende a ANPA  propoñémosvos unha iniciativa que coidamos  positiva para tod@s: Doar os libros a ANPA ó remate do curso e así poder distribuírlos e reutilizalos no vindeiro curso.

E importante que comprendades que unha doazón é sempre altruista. Esta doazón de libros non garantiza que estos se reciban nin cántos . Esto depende de moitos factores: número de libros doados, os que se poidan manter do programa de préstamo da Xunta, o estado dos mesmos... pero dende a ANPA intentaremos repartir todos os libros recollidos utilizando o criterio de igualdade para que poida chegar algún libro ó maior número de familias posibles. E importante tamén que os entreguedes no mellor estado posible.

Esta campaña vai dirixida tamén os alumn@s de Bacharelato.Tendo en conta a complexidade do reparto (asignaturas optativas, alumnos que veñen doutros centros) os libros recollidos  repartiránse prioritariamente os alumnos que xa cursaran 4º da ESO no centro.

A pesar de todas as dificultades, coidamos que é unha iniciativa positiva, xa que non só supon un aforro de cartos para as familias, senon  que tamén transmite os nos@s fill@s valores como a reciclaxe, o valor do “usado”, a solidaridade e o altruismo, TAN NECESARIOS NA ACTUALIDADE.

ANIMAMOSVOS A PARTICIPAR!

Recibide un cordial saudo.

A Xunta Directiva

¿COMO PARTICIPAR NA CAMPAÑA?

FASE DE XUÑO

1.- Para poder participar e imprescindible entregar a folla de compromiso adxunta  os días 27, 28 e 29 de xuño no local da ANPA no horario de 11 a 13 horas. Aquel@s alumn@s que aproben todo ou suspendan dúas asignaturas (o sexa que non repitan curso) entregarán os libros que desexen doar xunto coa folla de compromiso. Os que suspendan máis de dúas asignaturas, tamén deberán entregar a folla de compromiso o mesmo día. día.Tod@s alumn@s poden participar aínda que non poidan doar libros (se os que teñen son libros do programa de préstamo ou cedidos pola Anpa).

2.-  Do día 2 ao 6 de xullo repartiranse libros a aquel@s alumn@s que aprobaran todo ou deixaran dúas no local do ANPA en horario de 10 a 13:00 (para  o resto de alumnos quedaran resevados ata setembro).

FASE DE SETEMBRO

3.-  Os/as alumn@s deberán entregar os libros que desexen doar o día das notas  en setembro no local da ANPA en horario de 11 a 13 horas.

4.- Durante o prazo de matrícula de setembro repartiranse libros os alumnos que non os recolleran en xuño no local da ANPA no horario indicado. Dado que en setembro vanse doar máis libros, tamén se repartirán os/as alumn@s que xa recolleran en xullo se lles corresponde algún.

5.-  E importante que os alumnos que repitan curso e entregaran a folla do compromiso nolo comuniquen o día das notas de setembro para poder dispor dos libros que tiñan reservados.

IMPORTANTE: - Os/as alum@s  teñen a obriga de devolver ó centro os libros do programa de préstamo que recibiron este curso cando o centro o indique. - Os/as alumn@s que no presente curso recibiron libros da ANPA teñen que devolvelos a mesma no seu local os días 27, 28 e 29 de xuño ou o día das notas de setembro (se deixaron algunha asignatura para setembro). - A axuda da Xunta para adquisición de libros de texto (Orde do 30 de maio de 2012 (DOG do 1 de xuño) é compatible coa participación nesta campaña. O prazo de presentación da solicitude é do 25 de xuño ó 26 de xullo e deberás presentala no Centro.(máis información na secretaría do centro e na páxina web do IES Canido).